الرئيسية / اعرف / موبايلك اتسرق ومغلق ؟ اعرف ازاي ترجعة مجانا وبدون واسطة بمصر
موبايلك اتسرق اعرف ازاي ترجعة مجانا
موبايلك اتسرق وبتتصل بيه مغلق هيرجع بنسبة أكثر من 90% بدون واسطة او حتي دفع جنية صورة من itpro.co.uk

موبايلك اتسرق ومغلق ؟ اعرف ازاي ترجعة مجانا وبدون واسطة بمصر

موبايلك اتسرق وبتتصل بيه مغلق – اولا انسي تماما اي تطبيق او شئ قالولك انها هترجع الموبايل لان كل ده كلام غير صحيح بسبب بسيط اللي اخذ الموبايل ابسط حاجة هيعملها في الموبايل اعادتة الي ضبط المصنع

موبايلك اتسرق وبتتصل بيه مغلق

علشان تجيب موبايلك ركز في الموضوع ده،وان شاء الله تليفونك هيرجع بنسبة أكثر من 90% بدون واسطة او حتي دفع جنية 

اولا متطلبش من أي شخص غريب متعرفوش يرجعهولك عسان مع الأسف اغلبهم نصابين

ثانيا متعملش محضر في القسم مباشرة

موبايلك اتسرق أعمل اية عشان يرجع ؟

هتذهب مباشرة لـ (مباحث التليفونات) اللي تابع ليها في بلدك أو محافظتك (اتصل برقم 140 هيقولولك علي مباحث التليفونات اللي انتا تابع ليها)

لما تروح مباحث التليفونات هيطلبوا منك الاتي: البطاقة وصورة منها، و علبة التليفون الاصلية ومحتوياتها الاصلية اللي معاك وصورة من العلبة من الناحية اللي فيها السيريال وارقام الشرائح اللي كانت في التليفون قبل ما يتسرق

قد يهمك: أفكار مبتكرة تجنبك النصب والخداع في السياحة والسفر

والموظف المسؤل هو اللي بيقوم بيعمل المحضر بنفسه نيابة عن القسم وانتا تحتفظ برقم المحضر عندك (عشان مهم جدا)

اتأكد جيدا من المعلومات التي ستكتبها في المحضر مثل ارقام شرائح التليفون عشان يتأكدوا انك انت صاحبه فعلا

انتا كدة خلصت المطلوب منك أول ما الموبايل يتفتح ويدخل فيه شريحة الاتصال هيوصل اشارة لمباحث التليفونات برقم الشريحة اللي فيه

وهما بنفسهم اللي هيكلمولك صاحبها ويعرفوة ان التليفون ده متبلغ عنه و مطلوب فورا يا فيها حبس ومعاهم اسمه بالكامل ورقم بطاقته

في اغلب الاحوال هيتم الموضوع في الاول بشكل ودي جداً مع اللي واخد الموبايل سواء كان هو السارق او شخص اتورط بدون ان يدري واشتري الموبايل ولا يعلم انه مسروق

وفي الحالتين بيجيبوا الموبايل فوراً وساعتها هتلاقي امين شرطة بيكلمك عشان تروح تستلم الموبايل بعد حوالي شهرين لـ ٣ شهور انت و حظك

وممكن تتابع معهم أولا بأول هيعطوك رقم سري لرقم المحضر ويعرفوك مقر النيابة اللي تابع لها وخط سير المحضر ووصلوا لاية

ويقولولك حالة الكشف ايه (مثلا فودافون ردت رد سلبي اتصالات سلبي اورانج و وي لسة ، لحد ما حد فيهم يرد ايجابي)

وقتها هتلاقيهم بيكلموك ويظبطوا معاك ميعاد ومكان تروح عشان تروح تستلم الموبايل بتروح وبتقابل الشخص اللي معاه التليفون في المكتب عند أمين الشرطة في النيابة وبتعامله بأدب و احترام

وبتمضي استلام و اغلاق المحضر و بعد كدة أمين الشرطة بياخدك انت واللي كان معاه التليفون و يدخلكم لوكيل النيابة لتأكيد عملية الاستلام

والوكيل ساعتها بيتأكد ان حقك رجعلك و بيحذر اللي كان معاه التليفون يشتري موبايل بدون علبه او مجهول المصدر

الموبايل المسروق رجع الحمد لله

نصيحة مهمة بقي، لما يرجع الموبايل ما تنساش تعمله ضبط مصنع وانت واقف وتفتح أكاونت جوجل بحسابك لان قد يواجهك مشكلة في حالة انة كان مسجل بحساب أخر

و أهم نصيحة انك متستسلمش واي حد تعرفه موبايله ضايع شجعه يرجعه لأن لو كل واحد فينا نفذ الاجراءات دي ورجع تليفونه هنقضي على فكرة سرقة التليفون نهائي واي حد هيفكر يسرق تليفون هيكون عارف انها ملهاش لازمة و هيسيبه مكانه

أرقام مباحث التليفونات العامة 25771755 / 25798166