الرئيسية / اعرف / تطبيق دار الافتاء للفتوي من أهل العلم علي الموبايل
تطبيق دار الافتاء
تطبيق دار الافتاء

تطبيق دار الافتاء للفتوي من أهل العلم علي الموبايل

تطبيق دار الافتاء من أهل العلم اندرويد وابل فون – من الحاجات اللي تستحق الشير دار الفتوى عاملة ابلكيشن جميل جدا بتعمل عليه اكونت ب ايميلك عادي جدا واي سؤال يخطر على بالك بتسأل وبيجيلك رد على سؤالك من علماء دار الافتاء مباشرة في خلال اليوم او بعده بالكتير

وتفسير المواريث وأحكامها وفتاوى في العلاقات والمعاملات بين الناس والتجارة واحكام الأسرة وحاجة في منتهى العظمة

قد يهمك: كيف تكون حرا حقا في حياتك

تطبيق دار الافتاء من أهل العلم

بدل ما تبقى عايز تعرف حكم الدين في حاجة فتروح لحد مش من أهل العلم والاختصاص ف يفتي ويسوحك

او تروح تسأل جوجل فتلاقي لينكات ومواقع في منها الصح وفي منها الغلط المضلل او المتشدد او المتسيب

او تبوظ منك وتكتب على فيس بوك يا جماعة هو كذا حرام ولا حلال و الناس تفتي حرفيا وتهبد في الكومنتات ..

اللي اكتشفته ان الابلكيشن مش سؤال عن فتوى وشكرا ده انت بتعرف منه الفتاوى الجديدة

وكمان بتقدر تشوف اسئلة اتسألت واجابتها وممكن تسيرش فيه على موضوع وتقرا كل الاسئلة اللي عنه

طبعا كل ده اضافة لفكرة السرية وان لا حد بيشوفك ولا يعرفك وانت بتسأل فده بيشيل عنك فكرة الحرج او الكسوف في السؤال اللي بتخليك تتردد تسال او تاخد رأي شيخ تعرفه مثلا

وفي حاجات كتير في الابلكيشن زي مواقيت الصلاة والقبلة

الهدف من تطبيق دار الافتاء

1- استقبال أسئلة المستفتين من خلال (طلب فتوى)

2- أن يتمكن المستفتي من مشاهدة جميع أسئلته التي يرسلها إلى دار الإفتاء المصرية في أي وقت يريده، ويستطيع تمييز الأسئلة المهمة لديه بإضافتها إلى قائمة (المفضلة).

3- أن يتمكَّن المستفتي من مشاهدة الأسئلة الأكثر شيوعًا وانتشارًا من خلال (أرشيف الفتاوى).

4- أن يتمكن المستفتي من معرفة الفتاوى الجديدة عند تحديث التطبيق.

*بالمناسبة الابلكيشن ميكملش 10 ميجا فمش هيحتاج اي مساحة على التليفون

فكرة طلب الفتوى موجودة من مدة كبيرة جدا على موقع دار الافتاء لو حد معندوش الابلكيشن فيسأل في الموقع وبيدوله رقم فتوى بيترد عليه برده في نفس اليوم او بعده وبتجيله الاجابة عالميل

ليه ده من الحاجات اللي تستحق الشير ؟

لانه مهم يكون موجود في تليفون كل مسلم علشان لما يحتاج يعرف حاجة يسأل اهل العلم وميسألش اي حد يأذيه بجهله ويحرم الحلال ويحلل الحرام

ربنا سبحانه قال:
{فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ}

نزلوه وشيرو المعلومة للناس ومتنسونيش بدعواتكم

تحميل تطبيق دار الافتاء

تحميل تطبيق دار الافتاء علي جوجل بلاي لموبايل الاندرويد
تحميل تطبيق دار الافتاء علي ابل ستور لموبايل ايفون